Janë të shumtë banorët e rajonit separatist të moldavisë, Transnistri, që po i bashkohen forcave ruse në luftën në ukrainë. Në pjesën më të madhe, ata kanë pasaporta ruse dhe po zgjedhin të udhëtojnë drejt moskës, ku postimet online i joshin për të luftuar në ukrainë duke i udhëzuar si të aplikojë për t’u rekrutuar në një zyre rekrutimi. Besohet se 220.000 qytetarë rusë jetojnë në Transnistri rajon që u nda nga Moldavia në fillim të viteve ’90 dhe që tani mban rreth 1500 trupa ruse. Në kuadër të ushtrisë ruse, është krijuar një njësi mercenare e moldavëve e krijuar nga alexandr Kalinin, i përfshirë në listën e zezë të BE dhe SHBA, për shkak të veprimtarisë së tij pro ruse. Kalinin, nuk ka bërë të ditur se sa pjesëtarë ka njësia e tij por ai premton një pagë mujore prej 2100 eurosh dhe një pagesë fillestare prej 4800 eurosh për cdo rekrut të ri që regjistrohet. Kremlini është mbështetur edhe në Forcat e Armatosura të Rusisë dhe në kompanitë ushtarake private për ta kryer luftën në Ukrainë. Presidenti i Rusisë, Vladimir Putin, i cili përballet me fletarrest si i dyshuar për krime lufte në Ukrainë, i ka lehtësuar procedurat burokratike për rekrutët ndërsa tenton të forcojë trupat edhe me luftëtarë të huaj. Në janar, Putini nënshkroi një urdhër që u mundësonte shtetasve të huaj të cilët shërbejnë në ushtrinë ruse, apo në “formacione ushtarake”, ta marrin nënshtetësinë ruse për vete dhe për familjarët e vet. Dhe, duket se më shumë ushtarë i nevojiten Putinit tani, pasi humbjet vazhdojnë të rriten me gjithë përparimin e forcave pushtuese ruse në disa pika përgjatë vijës së frontit mijëra kilometra të gjatë në lindje të Ukrainës.