Parlamenti italian miratoi mes debateve të ashpra dhe kundërshtisë së fortë të opozitës ndryshimet kushtetuese që i hapin rrugë shumicës së kryeministres Giorgia Meloni të ndërmarrë një reformë të thellë në sistemin e drejtësisë. Meloni e ka konsideruar reformën historike, ndërsa ndryshimet që synojnë ndarjen e karrierës mes profesionit të gjyqtarit dhe atij të prokurorit janë kritikuar nga opozita dhe nga elementë të sistemit të drejtësisë me prapavijë politike për të kapur institucionin e akuzës. Votimi në parlament ishte i treti, por që ndryshimet të hyjnë në fuqi duhet edhe mbështetja me dy të tretat e votave në senat. Meloni nuk e ka këtë shumicë, por nëse reforma e propozuar prej saj miratohet me shumicë të thjeshtë, atëherë drafti do të kalojë për miratim me referendum me gjasë qershorin e vitit të ardhshëm.