Gjermania ka shtuar sigurinë në kufirin me Poloninë në përpjekje për të trajtuar një fluks të migrantëve nga Bjellorusia. Autoritetet njoftuan për vendosjen e qindra policëve shtesë në kufi, derisa një zyrtar qeveritar tha se Berlini është i gatshëm të rrisë edhe më shumë kontrollet kufitare. Ministri i Brendshëm i Gjermanisë, Horst Seehofer i tha gazetës Bild am Sonntag se 800 policë janë dërguar në kufi. "Nëse është e nevojshme, unë jam gati ta urdhëroj përforcime tjera", tha ai. Policia gjermane dhe sa ka ndaluar një grup të armatosur prej rreth 50 aktivistëve të ekstremit të djathtë të cilët kishin shkuar në kufi për të penguar migrantët që të hynin në Gjermani. Grupi radikal i ekstremit të djathtë Rruga e Tretë (Der III. Ëeg) kishte bërë thirrje që anëtarët të mblidheshin për të ndërmarrë veprime kundër migrantëve që provonin të kalonin kufirin nga Polonia. Krizën me migrantë është duke e provokuar udhëheqësi autoritar i Bjellorusisë, Alyaksandr Lukashenko. Zyrtarët e Bashkimit Evropian dhe të vendeve anëtare e kanë akuzuar atë se ka orkestruar krizën me migrant për t’ju hakmarrë Brukselit për shkak të sanksioneve të vendosura. Autoritetet gjermane vlerësojnë se përmes Polonisë dhe Bjellorusisë kanë hyrë rreth 5.000 migrantë të paligjshëm në tre muajt e fundit.