Për më shumë se një muaj, është spekuluar se presidenti rus Vladimir Putin nuk është në gjendje të mirë shëndetësore dhe se ai vuan nga një sëmundje e rëndë. Mirëpo, pas gjithë thashethemeve që kanë qarkulluar për disa javë në mediat e huaja, mesa duket kjo gjë është e vërtëte dhe lideri rus ka kancer në tiroide. Lajmi është publikuar në disa media të huaja, por referuar Daily Mail, mjekët që kanë vizituar Putinin, për një periudhë të gjatë në të cilën ai me sa duket kishte probleme me shpinën, konfirmojnë se së fundmi është konsultuar me një specialist për kancerin e tiroides, i cili e ka vizituar 35 herë në Soçi që nga viti 2017. 69 vjecari i cili për pak muaj bën 70, e ka mbajtur të fshehur një gjë të tillë, dhe në daljet e tij televizive Putin është dukur gjithmonë në formë. Ky zbulim erdhi si pasojë e një investigimi të bërë nga një media ruse, që momentalisht është bllokuar në Rusi, por operon në një vend tjetër.