Një 50 vjecar anti vaksinë, u përpoq të mashtronte punonjësit e shëndetësisë duke u paraqitur me një krah të rremë silikoni në pikën e vaksinimit në italinë veriore, duke tentuar kështu të sigurojë një certifikatë vaksine pa u imunizuar në të vërtetë. Mashtrimi u zbulua nga një infermiere, Filippa Bua, ndërsa ajo ishte gati duke administruar vaksinën në Biella të Piemontes. Ajo tha se kishte vënë re dicka të cuditshme në krah. Ngjyra e lëkurës ishte jo normale, shumë më e hapur krahasuar me duart ose fytyrën e pacientit. Pasi kishte parë me më shumë kujdes krahun, ajo kuptoi se ai ishte i rremë, i bërë me silikon. “Në fillim ndjeva keqardhje për burrin dhe mendova se ai kishte një protezë. Madje nisa edhe të pyesja veten nëse kishte dicka që e kishte detyruar atë të ofrohej me krahun e gabuar”, thotë infermierja. “Por më pas ai pranoi se kishte vendosur një krah të rremë me qëllim që të mos merrte vaksinën!”.