Në pikën e kalimit kufitar të Kakavijës për të katërtën ditë radhazi vijojnë radhet e makinave përgjithësisht me emigrantë shqiptarë që presin të rikthehen në Greqi ku edhe jetojnë e punojnë. Raportimet nga zona flasin për radhë te reduktuara ndjeshëm, rreth 5 km, që është shumë më e vogël nga një ditë më parë. Puna në doganën greke ka vijuar gjatë gjithë natës duke ndikuar edhe ne uljen e makinave që presin në radhë. Ndërsa një pjesë e qytetarëve kanë kaluar kufirin gjatë natës dhe shumë janë larguar pasi humbën shpresën se mund të hynin në Greqi para datës 17 Gusht, ditë kur fillon aplikimi i regjimit të ri për hyrjen. Ndërkaq rreth ores 11 00 është plotësuar edhe numri i personave që duhet të kalojnë në kufirin grek nga ana shqiptare, që është 750 në ditë sipas rregullave të reja. Menjeherë pasi është plotësuar numri i personave të përcaktuar që duhet të kalojnë në anën greke, pala greke e doganës ka nderprerë punën. Sipas regjimit te ri kush hyn nga nesër në Greqi do të karantinohet për 7 ditë dhe duhet të ketë me vete testin e covid 19 që është negativ, teste që duhet të jetë kryer gjatë 72 orëve të fundit.