Mbretëresha Elizabeth ka 'zhveshur' djalin e saj, Princin Andreë, nga tijtujt ushtarake dhe të ashtuajturat ‘patronazhe mbretërore’. Vendimi vjen mes polemikave në rritje lidhur me akuzat se ai ka kryer marrëdhënie seksuale me një vajzë të mitur. “Duka i Jorkut do të vazhdojë të mos marrë përsipër asnjë detyrë publike dhe do të mbrohet në këtë çështje, si një qytetar privat”, thuhej në një deklaratë të enjeten të Buckingham Palace. “Me miratimin e mbretëreshës, titujt ushtarake të Dukës së Jorkut dhe patronazhet mbretërore i janë kthyer Mbretëreshës”, vazhdonte më tej deklarata. Në fillim të kësaj jave, një gjykatës i Nju Jorkut vendosi që çështja rreth një padie civile kundër Princit Andreë nga akuzuesja e tij Virginia Giuffre, të vazhdojë më tej. Giuffre thotë se ajo ishte detyruar të kryente marredhnie seksuale me Princin Andreë nga Jeffrey Epstein, i dënuar më parë për trafik seksual si dhe bashkëpunëtorja e tij, Ghislaine Maxëell. Princi Andreë i ka hedhur poshtë akuzat. Në 2019, Epstein u gjet i vdekur në një burg të Manhatanit, në pritje të një procedimi të ri gjyqësor për trafikim seksual. Vdekja e tij u cilësua si vetëvrasje. Pak ditë më parë edhe Maxëell u dënua për trafik seksual.