Duka i Jorkut ka arritur shlyer një borxh me vlerë 8 milionë euro ndaj një francezeje, që e lejon tani të shesë vilën e tij në Zvicër ndërkohë që përballet me fatura të ekzagjeruara ligjore në lidhje me padinë civile për agresion seksual të ngritur nga Virginia Giuffre, në SHBA. Isabelle de Rouvre, 74 vjec, që ia shiti pronën princit Andreë dhe ish bashkëshortes së tij në 2014 për një shifër prej 21 milionë eurosh, tha se lufta kishte përfunduar tani dhe princi kishte shlyer të gjithë borxhin e tij. Andreë dhe ish bashkëshortja e tij kishin rënë dakord me francezen se vila në resortin e skive Verbier në alpet e zvicrës do të paguhej me këste, por ata nuk kishin paguar deri më tani këstin e fundit prej 6 milionë eurosh. Ish pronarja ndërmorri më pas edhe hapa ligjorë por më në fund, duket se Andreë ka shlyer detyrimin. Princi Andreë ka nisur ndërkohë të shesë pronat e tij pasi përballetr me një padi të ngritur ndaj tij nga Giuffre, e cila pretendon se ishte detyruar të kryente marrëdhënie seksuale me princin, në tre raste, pasi ajo ishte trafikuar nga financieri pedofil Jeffrey Epstein. Andreë ndërkohë i ka mohuar akuzat. Për sa kohë që ai nuk kishte shlyer detyrimin ndaj ish pronares së vilës në zvicër nuk mundej që ta shiste atë. por tani raportohet se princi e ka gjetur një blerës dhe procedurat e shitjes kanë nisur.