Policia e Malësisë së Madhe ka vijuar me intensitet zbatimin e masave të operacionit antikanabis të koduar “Koordinata”, në bashkëpunim me Drejtorinë Vendore të Policisë Shkodër. Si rezultat, është finalizuar një tjetër rast i kultivimit të bimëve narkotike. Në fshatin Jubicë, u arrestua në flagrancë Ilir Rama, 54 vjeç pasi u kap nga shërbimet e Policisë në momentin që ndodhej në një parcelë me 137 bimë të dyshuara narkotike të llojit kanabis sativa, të cilat ishin mbjellë në tokë publike. Pas dokumentimit të veprimtarisë së paligjshme, bimët narkotike u asgjësuan në vendngjarje, përmes djegies. Policia e Malësisë së Madhe vijon kontrollet në terren, me mbështetjen e dronëve dhe informacioneve inteligjente, për të goditur rastet e kultivimit të bimëve narkotike në territorin e qarkut Shkodër.