Tashmë ka kaluar pak më shumë se 1 muaj që nga nisja e ofensivës ruse në Ukrainë dhe autoritetet në vend kanë filluar të bëjnë bilancin e dëmeve të shkaktuar. Autoritetet më të larta në Ukrainë kanë bërë të ditur se trupat ruse kanë shkatërruar rreth 4500 ndërtesa banimi, 100 ndërmarrje, 400 institucione arsimore dhe 150 institucione shëndetësore. ishte pikërisht Ministri për Zhvillimin e Komunitetit dhe Territorit në qeverinë ukrainase., Oleksiy Chernyshovqë publikoi këtë bilanc shumë shqetësues teksa shtoi se vlerësimi i dëmeve në të gjithë vendin do të bëhet më me saktësi pas përfundimit të luftës dhe heqjes së minave Gjithsesi, nga vlerësimet paraprake që janë bërë, rezulton se dëmet e shkaktuara nga sulmet e ushtrisë ruse në aspektin financiar kapin vlerën e dhjetëra miliarda Dollarë, shifra që pritet të rriten ditë pas dite. Ndonëse qeveria ukrainase ka lehtësuar procedurat për importin e materialeve të ndërtimit, Chernyshov vë në dukje gjithashtu se cdo rindërtim duhet të bëhet pasi të jetë kryer pastrimi i minave dhe rrënojave