Liderët e Bashkimit Evropian thanë të enjten se do të vazhdojnë të mbështesin Ukrainën, ndonëse nuk miratuan kërkesën e Zelenskyt për akokimin e një ndihme prej 5 mld eurosh të cilat më pas do të përdoreshin për blerje artilerie. “Neve na duhen fonde për predha artilerie dhe do ta vlerësonim mbështetjen e Evropës me të paktën 5 miliardë euro, sa më shpejt që është e mundur”, tha presidenti ukrainas gjatë takimit të mbajhtur në Bruksel. Ndërkohë kryediplmatja e BE-së, Kaja Kallas kërkoi që fjalët të bëhen vepra për Kievin. “Sa më të fuqishëm që janë në fushëbetejë, aq më të fuqishëm janë në tavolinën e negocimit”, tha ajo. Në futn të samitit u miratua një deklaratë e përbashkët, e cila nuk u fimros vetëm nga kryeministri I Hungarisë, Viktor Orban. Përmes saj liderët e BE u pajtuan për të vazhduar “mbështetjen e rregullt financiare për Ukrainën”. Ata thanë se edhe vendet anëtare duhet “t’i rrisin përpjekjet për t’i adresuar nevojat ushtarake të Ukrainës”. Megjithatë, askush nuk ka pasur përgjigje konkrete për propozimin e Kallasit për t’u fokusuar në atë që Zelensky ka thënë se u duhen më së shumti – rreth 2 milionë predha artilerie që kushtojnë 5 miliardë euro.