Kryeministri Albin Kurti tregoi në një pritje të organizuar për nder të Ditës Kombëtare të Ukrainës se çfarë ka bërë Kosova për ta mbështetur këtë shtet që prej kur Rusia nisi pushtimin e tij. Kurti tha se Qeveria ka miratuar 13 paketa sanksionesh amerikane kundër Rusisë dhe Bjellorusisë. Ai tha se mbështetja e Kosovës për miqtë ukrainas shkon përtej llogarive të ngushta politike. Kurti shtoi se mbështetja e Kosovës për Ukrainën tregon përkushtimin për të vepruar në unitet me partnerët ndërkombëtarë kundër agresionit të paligjshëm dhe të paprovokuar të Rusisë”. “Rusia ka qenë gjithmonë joeuropiane. Solidariteti ynë për Ukrainën është detyra jonë, që i përkasim kontinentit europian”, tha ndër tjerash Kurti në një fjalim e mbajtur në aktivitetin e zhvilluar në Bibliotekën Kombëtare të Kosovës.