Presidentja e Kosovës Vjosa Osmani takoi kryeministrin e Belgjikës Alexander De Croo në kuadër të samitit të Komunitetit Politik Evropian që po mbahet në kryeqytetin hungarez Budapest. Gjatë takimit Osmani shprehu mirënjohjen e saj për mbështetjen e palëkundur të Belgjikës për Kosovën. Ajo po ashtu kërkoi heqjen e masave ndëshkuese të vendosura nga BE. “Gjithashtu, theksova rëndësinë e përmbylljes me sukses të procesit të anëtarësimit të Kosovës në Këshillin e Evropës dhe heqjes së masave ndaj Kosovës si një hap i domosdoshëm për të përparuar në rrugën tonë evropiane”, shkroi Osmani në një postim në Facebook. Për gati një vit e gjysmë, Kosova vazhdon të mbetet e sanksionuar nga vendosja e masave të Bashkimit Evropian për shkak të përshkallëzimit të situatës së sigurisë në veri. Masat e BE-së përfshijnë pezullimin e përkohshëm të grupeve punuese Zëdhënësi i BE-së, Peter Stano, njoftoi pak ditë më parë se masat ndëshkuese ndaj Kosovës janë duke vazhduar dhe se ato do të hiqen kur vendet anëtare të BE-së të marri nvendim.