Në një video që u bë virale në tëitter, mbrëmjen e të dielës, një shpërthim i stërmadh shihet mbi atë që duket si një autokolonë mjetesh ruse, duke shënuar një goditje direkte mbi sistemin e raketave tokë ajër. Imazhi, i postuar nga forcat e armatosura ukrainase, është vetëm një prej të shumtëve që janë shfaqur në mediat sociale kohët e fundit e që tregojnë pasojat shkatërrimtare të sulmeve me dronë të Ukrainës, mbi trupat ruse. Videoja ka marrë me miliona shikime: “Frikësohuni, armiq! Nuk do të ketë paqe për ju mbi tokë!” shkruanin forcat e armatosura ukrainase nën të. Dhe ylli i kësaj videoje dhe shumë të tjerave ëhstë Bajraktar TB2, droni turk që ushtria ukrainase e ka përdorur shpesh kundër forcave ruse këto ditë. Të martën, ushtria ukrainase tha se dronët Bajraktar kishin shkatërruar një tank dhe dy sisteme raketore tokë-ajër gjatë natës. Në video të tjera të ndara në Tëitter, dronët Bajraktar, që përdoren nga ushtria që prej 2021, shihen teksa hedhin në erë atë që duket se është një autokolonë furnizimi ruse dhe një grup kamionësh që e shoqërojnë. Dronët janë të vegjël dhe të lehtë, rreth 7 herë më të lehtë se droni Reaper i ushtrisë amerikane, me një shtrirje krahësh prej 12 metrash që i lejon të qëndrojnë në qiell për deri në 30 orë. Secili dron mund të mbajë katër raketa me rreze lazer. Dhe fushata ukrainase me dronë, ka bërë që të ngadalësohet ndjeshëm avancimi i rusisë. Ndërkohë që ministri ukrainas i mbrojtjes, tha të premten se vendi do të merrte një seri të re raketash Stinger dhe Javelin, nga jashtë, përfshirë edhe një ngarkesë të re me dronët e shumë-adhuruar turq.