Top News- Masakra e ushtrisë së Vladimir Putin…!/300 viktima në teatrin me gra e fëmijë në Mariupol

Bombardimi i teatrit në Mariupol javën e kaluar ka shkaktuar reagime ndërkombëtare, sidomos pas shfaqjes së pamjeve ku shiheshin dhjetëra njerëz mes rrënojave. Këshilli i qytetit të Mariupolit ka raportuar të premten se rreth 300 persona kanë mbetur të vdekur si pasojë e këtij sulmi. Shumë persona kanë mbetur të ngujuar për ditë të tëra në bodrumin e teatrit, ku po strehoheshin sipas llogaritjeve mijëra njerëz. Duke qënë se meshkujt nga mosha 16 deri 60 vjec janë thirrur të luftojnë, pjesa më e madhe e të strehuarve në teatër ishin gra dhe fëmijë. Ata nuk mund të evakuoheshin për shkak të sulmeve të vazhdueshme ruse në këtë qytet, i cili deri tani është më i shkatërruari nga lufta në Ukrainë.