Presidenti i Serbisë, Aleksandar Vuçiç, që gjatë qëndrimit të tij në Pragë, kishte bërë të ditur se Serbia po përgatit një strategji energjetike bashkë me norvegjezët dhe se do të nxjerrë përfundime bazuar në këshillat e tyre. Qeveria e Serbisë ka lidhur “kontratë sekrete” me kompaninë norvegjeze “Rystad Energy”, të cilën e ka nënshkruar ministri i Financave, Sinisha Mali Marrëveshja, ka si objekt, mbështetjen për Republikën e Serbisë në zgjidhjen e krizës aktuale energjetike. “Deri më 15 nëntor, siç parashikohet në marrëveshje, Serbia do t’i paguajë firmës private norvegjeze të paktën 1.55 milionë dollarë dhe atë vetëm për një pjesë të punës”, shkruajnë mediat serbe që pretendojnë se e kanë parë dokumentin. Ndërkaq, thuhet se puna e kësaj kompanie norvegjeze do të ndahet në pesë faza. “Faza e parë parashikon analizën e gjendjes aktuale në sektorin energjetik të Serbisë. Faza e dytë parashikon përcaktimin e ‘sfidave dhe mundësive për Serbinë në fushën e energjisë në tre vitet e ardhshme’”.