Presidenti amerikan Donald Trump arriti t`I bënte bashkë udhëheqësit e Emirateve të Bashkuara Arabe, Bahreinit dhe Izraelit për nënshkrimin e marrëveshjeve pë normalizimin mes tyre, duke I shtyrë kështu këto shtete arabe të thyenin një tabu të kahershme në një ristrukturim strategjik rajonal kundër Iranit. Marrëveshja përmbylli një muaj me zhvillime dramatike gjatë të cilit u arriti fundi I një armiqësie të vjetër por pa zgjidhur problemin e palestinezëve. Ujdia e vështirë e shtyu ekipin e Trumpit të argumentojë se kjo përpjekje e presidentit amerikan duhet të rezultojë me një Nobele Paqeje për të. Shumë opinionistë megjithatë pajtohen me idenë se kjo “nuk mund të mbajë titullin marrrëveshje paqeje”, kur mes vendeve në fjalë nuk ka as konflikt e as luftë. Përplasjet e Izraelit janë me palestinezët, Hezbollahun apo Iranin. Se cfarë efekti pati në Gaza një ujid e tillë kjo e pa qartë me raketat e lëshuara sërish mbrëmjen e djeshme. Qindra palestinezë marshuan në shenjë proteste me pankarta në duar ku shkruhej “tradhëti” dhe “marrëveshja e turpit”, ndërsa zëdhënësi I Hamasit, Hazem Qassem u shpreh se pakti “nuk vlen as sa boja me të cilën u shkrua”.