Kombëtarja shqiptare nis një cikël të ri me Rolando Maran dhe stafin e tij dhe këtë e bën me 2 ndeshje miqësore atë me Izraelin dhe Luksemburgun. Trajneri italian edhe pse pati një kohë shumë të shkurtët për të punuar me futbollistët kuqezi theksoi se i pa të disponueshëm dhe të motivuar Është e rëndësishme të theksoj që kam parë disponibilitet shumë të madh nga lojtarët. Nuk është e thjesht të luash në ndeshje të tilla. Lojtarët vijnë nga një fund sezoni i vështirë, stresues dhe shumë i gjatë. Janë treguar profesionistë të vërtetë. Kam shumë gjëra në mendje. E rëndësishme që të jetë skuadër funksionale, edhe nga aspekti fizik, cilët janë lojtarët me më shumë cilësi. Janë dy ndeshje që masin forcën dhe duhet të llogarisim lojtarët për të dyja ndeshjet. Kam parë disponibilitet të mirë, kjo ka rëndësi. Sigurisht duke shtuar edhe kurajon për të dalë në fushë dhe për të mirë ndeshje të mirë. Ky është elementi kryesor.