Një aksident tragjik me dy viktima është regjistruar rreth orës 6 të mëngjesit të së martës në vendin e quajtur “Rruga e drejtë e Kuçovës”. Bëhet me dije se automjeti me drejtues shtetasin A. K. është përplasur me mjetin bujqësor të llojit frezë dore, në të cilën ndodheshin drejtuesi, shtetasi me iniciale A. K., 81 vjeç, bashkëshortja e tij shtetasja S. K., 77 vjeçe dhe vajza e tyre 58 vjeçe. Për shkak të aksidentit të rëndë drejtuesi i mjetit bujqësor, dhe bashkëshortja e tij kanë humbur jetën në vendngjarje, ndërsa vajza e tyre ndodhet në spital, ku mëoshet se është jashtë rrezikut për jetën. Sakaq drejtuesi i automjetit është shoqëruar në Komisariat, për veprime të mëtejshme procedurale. Ndërsa grupi hetimor ka nisur punën për zbardhjen dhe sqarimin e rrethanave si dhe shkakun e aksidentit.