10 orangutanë janë dërguar me helikopterë në habitatin e tyre natyror në ishullin Borneo në Indonezi, në të parin clirim të majmunëve në natyrë për më shumë se një vit, për shkak të rreziqeve që solli pandemia. Kafshët u dërguan pranë xhunglës së dendur me helikopterë, me qëllim që të evitohej udhëtimi disa ditor përmes tokës apo ujit, që mund ti ekspozonte ato edhe ndaj virusit. Orangutangët, ndajnë 97 për qind të ADN-së së njeriut, ndaj ekspertët kanë qenë në alarm për shenja infektimi tek ta.Kujdestarët e tyre thonë se kanë ndjekur protokolle strikte dhe kanë hartuar plane rezervë që do të hynin në fuqi në rast se një orangutang do të infektohej. Krijesave iu injektua qetësues para fluturimit dhe mbërritja në destinacionin final ishte një surprizë e këndshme për ta.