Personi që jeni duke parë në ekran është Gioaçhino Gammino, një ndër emrat e njohur të mafias italiane. Pas 20 vitesh në arrati, Gammino ka rënë pre e kurthit të antimafias italiane nëpërmjet aplikacionit Google Maps. Gammino arriti të arratisej nga qelitë e burgut në Itali dhe prej vitesh bënte një jetë të qetë në Spanjë, ku kishte ndryshuar edhe emrin në Manuel dhe punonte si kuzhinier. Policia italiane arriti të evidentonte në një foto në Google maps, një burrë të moshuar në një qytezë në veri të Madridit. Gammino u identifikua lehtësisht nga efektivët e policisë falë një shenje në mjekër.