12 persona janë arrestuar në Vicenza të Italisë dhe janë sekuestruar 450 kilogramë kokainë si dhe prona me vlerë 246 mijë euro gjatë operacionit policor. Sipas agjencisë së lajmeve Ansa, në të njëjtën kohë, 11 anëtarë të dyshuar të mafies italiane u arrestuan në Palermo. Klani më i pasur dhe më i fuqishëm kriminal, Ndrangheta, me qendër në Kalabri, thuhet se kontrollon tregtinë e kokainës në Evropë. Të ardhurat e mëdha i mundësuan asaj të kapërcente klanin siçilian, Cosa Nostra dhe të zgjerohej në pjesën tjetër të Italisë dhe botës. Mafia e tretë kryesore në Itali, Camorra nga Napoli, është gjithashtu e përfshirë në trafikun e drogës.