Nicolas Maduro nuk ishte mes udhëheqësve botërorë që morën pjesë në ceremoninë përkujtimore të çlirimit të Kinës. Ai shmangu një udhëtimi prej gati 20 orësh për të përshkruar mbi 14 mijë kilometra distancë, por nuk e shmangu mirënjohjen e Presidenti Kinez, Xi Jinping për besnikërinë e treguar. Presidenti i Venezuelës, që nga Bashkimi Europian dhe Shtetet e Bashkuara të Amerikës është nën sanksione për shtypjen me dhunë të opozitës, mori si dhuratë nga homologu kinez një telefon smart të markës Huaëei. Maduro e prezantoi me krenari dhuratën e Xi Jinping, teksa tha se pajisja është e vetmja në botë që nuk mund të përgjohet, as nga satelitët. Ironik është fakti se ashtu si Maduro, edhe kompania kineze, Huaëei është nën sanksionet e SHBA dhe prej vitesh kompanive amerikane u është ndaluar ofrimi i shërbimeve për të. Kjo është arsyeja se përse Google i hoqi të drejtën e përdorimit të sistemit Android dhe dyqanin e saj online të aplikacioneve.