Pronarët e kafshëve shtëpiake në korenë e jugut janë paralajmëruar të tregohen vigjilentë pasi më shumë se 100 zjarre janë shkaktuar nga macet gjatë tre viteve të shkuara. Bilanci është bërë publik në fakt nga zjarrfikësit në kryeqytetin seul. Në një deklaratë të fundit, departamenti i zjarrfikësve tha se macet kishin shkaktuar në total 107 zjarre në shtëpi nga janari 2019 deri në nëntor të këtij viti. Macet besohet se kanë shkaktuar zjarre duke u hedhur mbi stufat elektrike – tha departamenti. Ato mund ti ndezin stufat duke kërcyer mbi butonat e ndjeshëm ndaj prekjes, dhe pasi ato mbinxehen, mund të shkaktojnë zjarre. Katër persona janë lënduar në këto zjarre, më shumë se gjysma prej të cilëve është shkaktuar kur të zotët e shtëpisë nuk ndodheshin atje.