Top News-Luftime të ashpra e bombardime…/ Britania sjell buletinin e luftës: Mariupoli, shënjestër

Luftimet e ashpra dhe sulmet ajrore ruse po vazhdojnë në qytetin e rrethuar të Mariupolit, në juglindje të Ukrainës, tha inteligjenca ushtarake britanike më 6 prill. Situata humanitare në këtë qytet-port është përkeqësuar dhe shumica e 160,000 banorëve vazhdojnë të jenë pa energji elektrike, komunikim, ilaçe, ngrohje apo ujë, tha Ministria britanike e Mbrojtjes përmes një deklarate. “Forcat ruse po parandalojnë qasjen humanitare me gjasë për t’iu bërë presion mbrojtësve që të dorëzohen”, tha kjo ministri. Këto raportime nuk mundën të verifikohen menjëherë në mënyrë të pavarur. Një ditë më parë, Ukraina vazhdoi përpjekjet për të evakuuar banorët nga Mariupoli dhe nga zona të tjera. Mbi 3,800 persona mundën që të largohen më 5 prill përmes korridoreve humanitare, tha zëvendëskryeministrja ukrainase, Iryna Vereshchuk. Por, konvojet me shtatë autobusë, që ishin paraparë të evakuonin banorët nga Mariupoli nuk arritën që të kalonin përmes bllokadës ruse, tha Vereshchuk.