SHBA ka ngritur në kanale jozyrtare mundësinë që SHBA të dërgojë sistemet e saj mbrojtëse të prodhuara në Rusi, S-400, në Ukrainë për ta ndihmuar vendin të luftojë forcat ruse. Zyrtarët amerikanë e kanë bërë sugjerimin muajin e shkuar por sipas burimeve nuk është paraqitur një kërkesë zyrtare për këtë. Burimet madje saktësojnë se tema është diskutuar shkurtimisht edhe gjatë vizitës së zëvendëssekretares amerikane të shtetit, Uendi Sherman, në Turqi, më herët këtë muaj. Administrata Biden i ka kërkuar aleatëve që kanë përdorur armatime të prodhuara në Rusi, përfshirë sistemet S-300 dhe S-400, të marrin në konsideratë dërgimin e tyre në Ukrainë ndërsa kjo e fundit përpiqet të zbrapsë pushtimin rus. Ideja, që analistët thonë se do të hidhet me shumë gjasa poshtë nga Turqia, ishte pjesë e diskutimeve më të gjera mes Sherman dhe zyrtarëve Turq, se si SHBA dhe aleatët e tyre të bëjnë më shumë për të ndihmuar Ukrainën dhe si të përmirësohen lidhjet dypalëshe. Autoritetet turke nuk kanë bërë komente për asnjë sugjerim amerikan, apo propozim lidhur me transferimin në Ukrainë të sistemeve S-400 të ankarasë, që kanë qenë në qendër të një mosmarrëveshjeje të hershme mes dy vendeve aleate të NATO-s.