Trupat ruse janë vetëm 30 km larg një tjetër impianti bërthamor duke ndezur frikën se forcat e Vladimir Putinit mund të shkaktojnë një katastrofë bërthamore në Ukrainë. Ambasadorja amerikane në Kombet e bashkuara tha se ushtarët tani po i afroheshin impiantit Juzhnoukrainsk, në jug të Kievit. “Forcat ruse janë tani 30 km larg, dhe po i afrohen, impiantit të dytë më të madh bërthamor të Ukrainës - tha Linda Thomas Greenfield në një deklaratë drithëruese. “Rreziku vazhdon!” nënvizoi ajo duke i bërë apel Moskës të ndalë cdo përdorim të mëtejshëm të forcës që vendos në rrezik të 15 reaktorët në Ukrainë. “Impiantet bërthamore nuk duhet të jenë pjesë e këtij konflikti”, shtoi ajo. “Putin duhet ta ndalë këtë cmenduri dhe duhet ta ndalë tani”. Paralajmërimi vjen ndërsa lideri rus u citua të kërcënonte të gjithë botën e pasi trupat e tij bombarduan një impiant bërthamor të premten. SHBA e ka cilësuar bombardimin e impiantit të Zaporizhias, më të madhit në evropë, një krim lufte dhe ka akuzuar Putinin se e ka cuar terrorin e tij edhe një hap më tej.