Teksa ka kaluar një muaj nga sulmi i parë i Rusisë kundrejt Ukrainës, duket se presidenti Putin ka ngadalësuar ndjeshëm sulmet, sidomos në Kiev, qytet i cili ishte objektivi kryesor i liderit rus, që prej fillimit të luftës. Lufta mes Rusisë dhe Ukrainës, ka qenë në vëmendjen e mediave botërore përgjatë një muaji, dhe tema e diskutimit në tryezën e cdo lideri botëror. Së fundmi një parashikim ka treguar se cfarë do të ndodhë në javët në vazhdim, ndërsa kujtojmë se Putin këtë të premte u ka vënë një kusht ushtrisë së tij që sulmet në Ukrainë të përfundojnë dëri në 9 maj. Thuhet se Rusia mund të intensifikojë fushatën e saj bombarduese, për aq kohë sa Ukraina do të vazhdojë me rezistencës e saj kundrejt sulmeve agresive.