Shitjet e pronave në Dubai kanë rënë në pikiatë, tha një vëzhgues i tregut, pasi lufta në Lindjen e Mesme shkaktoi një ngadalësim dramatik në një nga tregjet më të shtrenjta të pasurive të patundshme në botë. Shitjet në qytet ranë me 19% në maj krahasuar me muajin e kaluar thonë ekspertët. Transaksionet tani janë nën gjysmën e nivelit të tyre krahasuar me të njëjtën kohë të vitit të kaluar. “Tregu i shtëpive nuk ka regjistruar një rënie vjetore të kësaj madhësie që nga pandemia”, thotë Haider Tuaima, kreu i kërkimeve të pasurive të paluajtshme në ValuStrat, një kompani konsulence me seli në Dubai, e cila ka ndjekur tregun e pronave në qytet që nga viti 2014. Një studim i veçantë nga një tjetër kompani kërkimore me seli në dubai zbuloi se prona me vlerë 22.5 miliardë dirhamë ose 6.1 miliardë dollarë u shitën në maj 42% më pak se vlera e prillit.