Fëmijët janë kthyer në shtëpi nga shkolla për shkak të frikës se ata mund të ngrijnë për vdekje pasi temperaturat ranë në -60 gradë celcius në qytezën më të ftohtë të botës. Temperaturat kanë rënë aq shumë në fshatin Oymyakon në rajonin rus të Yakutisë, sa që uji i ngrohtë kthehet në akull në cast, sapo kontakton me ajrin e kjo është një shfaqje dramatike. Termometrat në qytezën siberiane janë dridhur këtë javë ndërsa temperaturat ranë në -60 gradë celcius, ndërkohë që nxënësit, deri në moshën 11 vjec, mund të shkojnë në shkollë deri kur termometri shënon -53 gradë celcius. Më pak se kaq, shkolla mbyllet. Nxënësit mbi 11 vjec në anën tjetër, mund të shkojnë në shkollë deri sa mërkuri të shënojë -55 gradë celcius. Nëse do të bënim një krahasim, temperatura më e ftohtë e regjistruar ndonjëherë në britaninë e madhe ka qenë -27.2 gradë celcius në janar të 1982. Ndërsa më e ulëta e regjistruar zyrtarisht në Oymyakon ka qenë -67.7 gradë celcius në 1933, por banorët lokalë tregojnë se më herët mërkuri ka zbritur edhe deri në -71.2 gradë celcius, e kjo ka ndodhur në janar 1924. E në qytezën më të ftohtë të botës, lopët veshin recipeta prej leshi kur termometri cmendet në dimrin siberian, pasi u ngrin edhe qymështi.