Lufta mes Rusisë dhe Ukrainës, po përballet me një qëndrim të prerë të presidentit rus Vladimir Putin, i cili nuk pranon kurrsesi që të ketë një armëpushim mes dy vendeve. Në artikullin e The Conversation, argumentohet se kjo vendosmëri e Putinit është një kundërpërgjigje ndaj zgjerimit të NATO-s, por mund të jetë nxitur edhe nga një ndjenjë e fortë e nacionalizmit rus, për të ringjallur në Evropën Lindore ndikimin sovjetik të Luftës së Ftohtë. Ekspertë dhe analistë të tjerë pretendojnë se ai është thjesht një lider delirant, një oligark që ka humbur lidhjet me realitetin. Por vendimi i Putinit për të pushtuar vendin fqinj mund të jetë bazuar pjesërisht në një supozim të përhapur, se luftërat sulmuese të zgjedhura vetë, më së shumti japin një rezultat pozitiv? Këtu vlen të analizohet nëse kjo luftë ka të bëjë po aq me çështjet lokale dhe rajonale, mbi atë se kush e kontrollon rajonin e Donbasit në Ukrainën Lindore, sa ka të bëjë edhe me një besim të padiskutueshëm se përdorimi i forcës së armatosur, është rruga më e sigurt për arritjen e qëllimeve politike.