Një zyrtar ukrainas tha se një varr masiv që mbante dhjetëra trupa civilësh është zbuluar në fshatin Buzova pranë Kievit, pasi forcat ruse u tërhoqën nga zonat në veri të kryeqytetit. Taras Didych, kreu i komunitetit Dmytrivka që përfshin Buzovën, tha se trupat u gjetën në një gropë të hapur pranë një stacioni karburanti. Trupa të pajetë po ashtu ishin gjetur edhe në shumë makina të granatuara në një rrugë kryesore që kalon përmes Buzovës, tha ai. "Tani po përpiqemi ti rikthehemi jetës normale, por gjatë ditëve të pushtimit kishim 'pikat tona të nxehta', shumë civilë u vranë," tha Didych për televizionin ukrainas.