Bashkimi Europian e ka gati draftin e sanksioneve ndaj Kosovës, që shënjestron përgjithësisht rrugën e Kosovës drejt integrimit europian. Por, Departamenti Amerikan i Shtetit nuk përjashton, të paktën për momentin që sanksionet të mos ndërmerren ndaj Kosovës si shtet, por ndaj Albin Kurtit për mosbindjen e tij ndaj thirrjes amerikane për qetësimin e situatës në veri dhe formimin e asociacionit të komunave me shumicë serbe. Artikuj mediatikë flasin për një draft propozim, që veç Kurtit do të përfshinte në listën e personave non grata edhe ministrin e Brendshëm, Xhelal Sveçla në arsyetimin se janë kërcënim për paqen dhe sigurinë. E lidhur me këto raportime, Telegrafi ka pyetur në Departamentin Amerikan të Shtetit. Në përgjigjen që kanë marrë thuhet se departamenti nuk parashikon sanksionime ndaj individëve. “Departamenti nuk parashikon nëse do të sanksionojë individë apo subjekte, as nuk parashikon nëse planifikon të vendosë sanksione ndaj individëve apo subjekteve”, thuhet në përgjigjen e SHBA.