Një makinë goditi turmën në një paradë Krishtlindjesh në Waukesha, të Wisconsin, duke vrarë pesë persona dhe duke plagosur më shumë se 40 të tjerë, përfshirë një grup kërcimtarësh të rinj.Shefi lokal i policisë, Dan Thompson, tha se një person ndodhet tashmë në paraburgim dhe një makinë është gjetur pas incidentit në qytet, rreth 32 kilometra në perëndim të Miluokit.“Tani mund të konfirmojmë se 5 persona kanë vdekur dhe mbi 40 janë plagosur”, shkroi Departamenti i Policisë në Ëaukesha në llogarinë e tij në Facebook. "Megjithatë, këta numra mund të ndryshojnë ndërsa mbledhim informacione shtesë. Shumë njerëz janë dërguar në spitalet e zonës".Nuk dihet nëse incidenti kishte lidhje me terrorizmin, por nuk ka rrezik të mëtejshëm dhe një urdhër i mëparshëm që qytetarët të qëndrojnë në shtëpi në këtë qytet me rreth 72,000 banorë është hequr, thanë më herët zyrtarët.