Mëngjesin e krishtlindjes, dhjetëra e mijëra njerëz kanë marrë një dhuratë të papritur: banka Santander në fakt ka hedhur gabimisht një total prej 130 milionë stërlinash në 75 mijë llogari bankare të britanikëve. Stafi i institutit bankar po kërkon të rekuperojë paratë, por misioni bëhet shumë i vështirë sepse në pjesën më të madhe të rasteve, kreditimi ka ndodhur në llogari rrjedhëse në bankat rivale. Sipas të përditshmes britanike The Times, gabimi është pikasur në momentin në të cilin pagesat e kryera nga 2 mijë llogari kompanish, janë bërë dy herë. Santander ka nënvizuar se ka nisur të flasë me institutet rivale, duke shpjeguar se bankat do të kërkojnë të rekuperojnë paratë nga llogaritë e klientëve të tyre. Sidoqoftë nuk është e qartë se si do të reagohet në rastet në të cilat klientët i kanë shpenzuar paratë. Santander, ka saktësuar po ashtu se do të kontaktonte edhe vetë, direkt me personat, për të rimarrë paratë.