Ambasada e Shteteve të Bashkuara në Ankara njoftoi se po pezullonte përkohësisht të gjitha shërbimet për qytetarët amerikanë dhe ato të vizave në konsullatat e saj në Turqi, për shkak të raporteve për sulme të mundshme terroriste. Në njoftim theksohet se “misioni i SHBA në Turqi ka marre informacione të besueshme për sulme të mundshme terroriste dhe rrëmbime të shtetasve amerikanë dhe të huaj në Stamboll, përfshirë edhe kundër konsullatës së përgjithshme amerikane apo edhe në qytete të tjera të Turqisë”.Në një deklarate te tij, Departamenti i Shtetit i porositi shtetasit amerikanë të tregojnë kujdes të shtuar në vendet ku mund të ketë grumbullime qytetarësh amerikanë apo të huaj, si në ndërtesa të mëdha zyrash apo supermarkete. Një zëdhënës I ambasadës I tha CBS News se paralajëmërmi ishte rezultat I një “vlerësimi të vazhdueshëm të kushteve të sigurisë”. Turqia ka përjetuar një periudhe qetësie relative pas sulmeve terroriste të disa viteve të shkuara nga grupe që përfshinin militantët islamikë e separatistët kurdë. Në 2018-tën, drejt ambsadës amerikane në Ankara pati të shtëna, por fatmirësisht pa viktima. Në vitin 2016, një seri paralajmërimesh nga misioni amerikan nxitën një përplasje diplomatike mes dy vendeve, me pasoja për turizmin turk. Ankaraja u përgjigj atëherë duke lëshuar paralajmërime kundër udhëtimit në Shtetet e Bashkuara, për të cilat citonte rrezikun e trazirave, dhunës policore dhe episodeve të ksenofobisë.