Tre persona janë arrestuar nga policia, ndërsa një 31 vjecar është shpallur në kërkim pasi akuzohen se kishin kthyer banesën në laborator për kultivimin e kanabisit, përmes ngrohjes me llamba. Aktualisht në pranga ka rënë Fiqiri Dedej, Kreshnik Ibraliu dhe Klevis Likja të cilët akuzohen për veprat penale “Kultivimi i bimëve narkotike”, “Prodhimi dhe mbajtja pa leje e armëve të gjuetisë dhe sportive” dhe “Vjedhja e energjisë elektrike”. Gjatë aksionit të policisë janë sekuestruar 170 fidanë kanabisi të kultivuar në kushte laboratorike, pajisje të ndryshme elektrike dhe një armë gjahu. Sipas policisë, këta persona kishin përshtatur katin e parë dhe katin e tretë të banesës së 53-vjeçarit Fiqiri Dedej me aparatura që shërbejnë për kultivimin e bimëve narkotike. Gjithashtu në banesë u konstatua edhe një lidhje të paligjshme të energjisë elektrike e cila shërbente për furnizimin me energji të pajisjeve si llamba, aspirator, filtra ajrimi etj, që ndihmonin në kultivimin dhe rritjen e bimëve narkotike. Materialet i kaluan Prokurorisë pranë Gjykatës së Shkallës së Parë Lushnjë për veprime të mëtejshme.