Të gjithë ata që kryejnë shërbimin ushtarak në Norvegji janë urdhëruar të kthejnë të brendshmet, recipetat dhe corapet pas përfundimit të shërbimit, në mënyrë që rekrutët e rinj të mund ti përdorin ato. Ushtria norvegjeze tha se ajo po përballet me mungesë furnizimesh, kjo pjesërisht për faj edhe të pandemisë. Organizata e logjistikës e ushtrisë norvegjeze tha se për shkak të një situate të vështirë me rezervat, lëvizja është e nevojshme dhe i siguron forcave të armatosura më shumë mjete në dispozicion për ushtarët e rinj që nisin shërbimin. Deri kohët e fundit, rreth 8 mijë të rinj e të reja që cdo vit bëjnë shërbimin e tyre ushtarak, kanë rikthyer në fund të tij uniformat dhe veshjet e tjera, por janë lejuar të largohen nga garnizoni me të brendshmet dhe corapet që kishin marrë atje. Shërbimi ushtarak është i detyrueshëm në Norvegji për femrat dhe meshkujt dhe zgjat nga 12 deri në 19 muaj. Sidoqoftë, zyrtarët pranojnë edhe se pandemia nuk është e vetmja fajtore por edhe financat janë të pakëta. Norvegjia është anëtare e NATO-s, dhe forcat e saj të armatosura duket se përballen për të parën herë me një situatë të tillë.