11 vepra arti të Pablo Pikasos që ishin ekspozuar në një hotel në Las Vegas për më shumë se dy dekada, u shitën në një ankand për afro 110 milionë dollarë. veprat, që ishin në pronësinë e MGM Resorts, ishin vendosur në restorantin Pikaso në hotelin Bellagio. Por kompania tha se ankandi do ta ndihmonte të përmirësonte diversitetin e koleksionit të saj të artit. Ankandi përfshiu nëntë piktura dhe dy pjesë qeramike të artistit spanjoll që u nda nga jeta në 1973. Koleksioni shtrihet në më shumë se 50 vite veprimtari të artistit dhe ka filluar të mblidhet më shumë se 20 vite më parë nga manjati i kazinosë amerikane, Steve Ëynn, ish pronar i hotelit Bellagio. Shitja ishte pjesë e një përpjekjeje të hotelit për të shtuar më shumë vepra të artisteve femra dhe artistëve nga minoritetet në koleksion. Emrat e blerësve ndërkohë nuk janë bërë të ditur. Rekordi për një vepër të pikasos është 179.4 milionë dollarë, që është paguar për pikturën Gratë e Algjerit, në 2015-ën.