Kryeministri i Kosovës Avdullah Hoti, ka paralajmëruar se Kosova mund të përfshihet nga vala e dytë e infektimeve me koronavirus. Kjo sipas kreut të qeverisë mund të ndodhë pas rritjes së numrit të rasteve me COVID-19 ditëve të fundit. “Në bazë të trendit të ditëve të fundit me raste të reja të infektimeve, ky rrezik është shumë real. Mund të preken edhe më shumë jetë njerëzish, do të thellohet kriza ekonomike, ndërsa do të stërngarkohet sistemi i shëndetësisë”, ka shkruar Hoti në në Facebook. Ai kërkoi nga qytetarët që të kenë parasysh masat e detyrureshme për mbrojtje nga COVID-19, duke I mëshuar sidomos vendosjes së maskave gjatë gjithë kohës në hapësira publike, shmangnien e prekjes së syve, hundës dhe gojës me duar të papastra, dhe dezinfektimin e shpeshtë të bjekteve dhe sipërfaqeve të prekura siç janë tavolinat, tastierat, telefonat, parmakët apo dorezat e dyerve. Po kështu, shefi I ekzekutivit kujtoi nevojën për ruajtjen e distancës fizike. Ai theksoi se nuk lejohet më shumë se 1 person në 8 metra katrorë në lokale, dhe shtoi se pronarët e bareve janë të detyruar ta publikojnë që në hyrje numrin maksimal të personave të lejuar. Që nga 13 marsi ku u shfaqen rastet e para me koronavirus në Kosovë, deri tani janë regjistruar 1,486 infektime dhe 32 vdekje.