Zbulimi i vaksinës është dritë shprese nëse ajo do të jetë në dispozicion të të gjithëve. Kështu tha papa Francesku në bekimin e tij Urbi et Orbi në ditën e krishtlindjes duke kërkuar që të evitohen ligjet e tregut dhe patentave dhe ti jepet prioritet ligjit të shëndetit dhe humanizmit. Në një apel drejtuar qeverive të botës, ai kërkoi që dozat e para të vaksinës ti jepen më parë të varfërve dhe njerëzve në nevojë. Nuk mund të lejojmë që nacionalizmat e mbyllura dhe virusi i individualizmit të na pengojnë të jemi familja që jemi. Nuk mund të vendos veten time para të tjerëve. I lus të gjithë të promovojnë bashkëpunimin dhe jo konkurencën Papa e dha mesazhin e tij të krishtlindjes nga salla e bekimit dhe jo sic bën zakonisht mbi sheshin e zbrazur të shën pjetrit, që mbeti i tillë për shkak të kufizimeve të pandemisë. Pandemia e koronavirusit ka rënduar shumë mbi krishtlindjen e këtij viti me miliona njerëz në botë të detyruar të anulojnë planet ose të reduktojnë festimet nën masat e reja shtrënguese si pasojë e virusit. Pas një viti të mbërthyer nga pandemia, kur bota pa më shumë se 1.7 milionë njerëz të humbin jetën, një rikthim i infektimeve është një kujtesë fikse se pavarësisht fillimit të vaksinimit në disa vende, jeta nuk ka gjasa të kthehet shpejt në normalitet. Mesha tradicionale e mesnatës në vatikan, u zhvendos këtë herë në orën 19.30 për shkak të rregullave të ndalim qarkullimit në itali, dhe në sheshin e shën pjetrit, besimtarët ishin të paktë në numër, rreth 200. Ndërsa në Betlehem, vendin ku të krishterët besojnë se jezusi lindi, krishtlindjet e këtij viti ishin të paprecedentta në histori. Mesha e krishtlindjes në kishën e lindjes së krishtit, ishte e mbyllur për publikun dhe u transmetua online, me vetëm klerikët dhe pak të ftuar të lejuar në bazilikën që më herët u dezinfektua. Një procesion u mbajt drejt sheshin Manger, nën sytë e turmave të palestinezëve me maska që mbushën rrugët nën qiellin gri dhe një shi të imët.