Prindërit e një adoleshenti të dyshuar për masakrën në një shkollë të Detroidit, u arrestuan pasi u gjetën të fshehur në një bodrum, pas orësh në arrati. James dhe Jennifer Crumbley, u gjetën të paarmatosur, të fshehur në një magazinë, pas një informacioni nga dikush që kishte parë makinën e tyre. Cifti nuk u shfaq në gjykatë të premten, pasi u akuzua për vrasje të paqëllimshme. Ata akuzohen se injoruan shenjat paralajmëruese para masakrës së kryer nga djali i tyre. prokurorët thanë se 15 vjecari Ethan Crumbley, kishte përdorur armën e të atit për të qëlluar shokët e klasës në qytetin e Oxfordit ën Micigan, duke vrarë katër nxënës e duke plagosur shtatë të tjerë. Policia e detroidit tha se prindërit e Ethanit ishin tani nën arrest. Më herët, marshallët amerikanë kishin vendosur një shpërblim prej 10 mijë dollarësh për informacione që do të conin në arrestimin e tyre. avokati i ciftit tha se ata ishin larguar nga qyteti natën e masakrës për sigurinë e tyre dhe se nuk po arratiseshin nga policia. Por raportet thonë se cifti kishte tërhequr 4 mijë dollarë nga një atm në Rochester hills, në afërsi të Detroitit dhe kishin fikur edhe telefonët. Ethan Crumbley hapi zjarr mbi shokët e shkollës dhe mësuesit të martën. Katër të vrarët ishin fëmijë të moshës nga 14 deri në 17 vjec. Ai po gjykohet tani si i rritur dhe përballet me një akuzë për terrorizëm, katër akuza për vrasje, shtatë akuza për sulm me qëllim vrasjen dhe 12 akuza për posedim arme zjarri.