Telenovela e përplasjes mes BBC dhe Gary Lineker, ish-futbollisti dhe komentatori i emisionit sportive Match of the Day ka përfunduar me fund të lumtur. Drejtuesit e televizionit publik britanik dhe gazetari kanë rënë dakord dhe Lineker të rikthehet të komentojë ndeshjet e Premier League që këtë fundjavë. Marrëveshja përfshin ndër të tjera rishikimin e kontratës dhe rregullave që BBC ka për postimet e gazetarëve në profilet e tyre në rrjetet sociale. Sipas drejtorit ekzekutiv të BBC, rregullat aktuale kanë shumë boshllëqe që duhen korrigjuar e rishikuar.