Elisabeta Imeraj, drejtuese e prokurorisë së Tiranës ka arritur ta kalojë me sukses vetingun. Komisioni i pavarur i Kualifikimit, i përbërë nga Olsi Komici, Roland Ilia dhe Suela Zhegu e konfirmuan Imerajn në detyrë. Ajo ka punuar për 13 vite si prokurore në Prokurorinë e Krimeve të Rënda, dhe gushtin e vitit 2018, u komandua si drejtuese e Prokurorisë së Tiranës, ndërkohë që kishte kandiduar për t’u bërë pjesë e Prokurorisë së Posaçme, SPAK. Séance e KPK-së u mbajt më shumë se dy vjet e gjysmë pas shortimit të saj si pjesë e listës prioritare të vetingut dhe pas largimit nga trupa të anëtares Genta Tafa Bungo, me të cilën ish bashkëshorti i Elisabeta Imerajt kishte pasur perplasje verbale dhe fizike. Një javë më parë, Imeraj doli një javë më parë para institucioneve të veting-ut për vlerësimin e figurës. Me herët, KLP kishte kryer vlerësimin etik dhe profesional të prokurores dhe në mënyrë unanime votoi për ta lejuar atë të vijojë ngjitjen në karrierë. Imeraj është zgjedhur nga Keshilli i larte i prokurorise në krye të Prokurorisë pranë Gjykatës së Shkallës së Parë Tiranë për një mandat 3 vjeçar