Situata pandemike në kosove dita ditës po vjen më e qetë ku numri i rasteve të reja dhe i viktimave po vjen duke u reduktuar. Ministria e Shëndetësise bëri me dije se në 24 orët e fundit janë shënuar 4 viktima , ndërsa janë regjistruar 12 raste të reja me koronavirus. Rastet e reja u konfirmuan pas testimit të 2 mijë e 481 testimeve në laboratorët publikë dhe privatë. Sipas të dhënave, 0.48 për qind e të testuarve kanë dalë pozitivë me koronavirus. Po gjatë kësaj fashe orare 77 persona kanë mundur betejën me covid 19. Ndërkohë, 1 mijë e 157 persona janë të infektuar në të gjithë vendin. Sipas njoftimit zyrtarë, në 24 orëshin paraprak janë administruar 14 muijë e 901 doza të vaksinave kundër koronavirusit. Që prej fundit të marsit, në total, Kosova ka administruar 1.447,040 doza kundër koronavirusit, ku 623,183 qytetarë janë vaksinuar plotësisht me të dyja dozat. Qeveria e Kosovës synon që deri në fund të vitit të vaksinojë 60 për qind të populates kundër koronavirusit.