Premtimet e liderëve institucionalë se Kosova do ta padisë Serbinë për gjenocid kanë ngjallur shpresë për familjarët e viktimave të luftës. Ky ishtë një nga premtimet kryesore të kryeministri Albin Kurti gjatë fushatës elektorale të vitit të kaluar, në të cilën deklaroi se do të përgatiste zyrtarisht padinë për gjenocid kundër Serbisë në Kosovë gjatë periudhës së luftës. Por ekspertët megjithatë ngrenë shqetësimin se Kosova nuk mund të bëjë padi për gjenocid kundër asnjë shteti, sepse nuk është anëtare e Organizatës së Kombeve të Bashkuara. Këtë sipas tyre mund ta bëjë vetëm një shtet i tretë, në këtë rast Shqipëria. Sipas ekspertëve juridikë dhe Institutit të Kosovës për Drejtësi padia për gjenocid në Kosovë kundër Serbisë mund të ngritet me iniciativë të presidentit të Shqipërisë, por për këtë siç tha ai duhet vullnet politik.