SHBA mund të shohë një rënie me dy deri në tre vjet të jetëgjatësisë në 2020 për shkak të koronavirusit, rënia më e madhe kjo që nga lufta e dytë botërore. Covid 19 ndërkohë është shumë pranë kthimit në shkaktun e tretë kryesor të vdekjeve në amerikë – raporton Uall Street Journal. Në 2019, jetëgjatësia në shba arriti në 78.8 vjet, 0.1 më shumë krahasuar me 2018. Rritja, sipas ekspertëve, erdhi për shkak të shkallës në rënie të vdekjeve si pasojë e sëmundjeve të zemrës dhe kancerit, që janë edhe dy shkaqet kryesore të vdekjeve në shba. Vdekjet nga overdoza e drogës, shënuan po ashtu një rritje, pas rënies në 2018, por vetëvrasjet ranë për të parën herë në 14 vite. Sipas të dhënave të Johns Hopkins, 190519 raste të reja në shba të hënën bënë që shifra totale që nga fillimi i pandemisë të kapërcente 18 milionë të infektuarit. Mëngjesin e të martës, kishte 319 466 viktima, 1696 më shumë se një ditë më parë. Për të bërë një krahasim; në 2019 rreth 659 mijë njerëz humbën jetën si pasojë e sëmundjeve të zemrës në shba dhe 600 mijë nga kanceri. Shkaku i tretë kryesor për vdekjet, aksidentet, i morën jetën 173 mijë njerëzve. Vaksinimi tashmë ka nisur në shba por pavarësisht kësaj, disa modele parashikojnë një bilanc prej më shumë se 500 mijë viktimash deri në pranverë dhe më shumë se 5 mijë viktima në një ditë. Ekspertët thonë se kjo bën që jetëgjatësia në vend të bjerë me dy deri në tre vjet dhe kjo do të jetë rënia më e madhe që nga 1943, kur viktimat në luftën e dytë botërore cuan në një rënie me 2.9 vite të jetëgjatësisë.