Një video e përleshjeve mes forcave armene dhe azeriane në rajonin e Nagorni Karabakut tregon sesi forcat azere përdorin një raketë izraelite "LORA" për të bombarduar një urë në Armeni, sipas Jerusalem Post që citon për këtë informacion Channel 12 Neës. LORA (LOng Range Attack) e prodhuar nga Israel Aerospace Industries (IAI); ajo mund të lëshohet nga një anije ose nga toka, ka një rreze veprimi prej 400 km e konsiderohet mjaft e saktë në goditjen e objektivave. Azerbajxhani ështe vendi i parë dhe i vetëm i konfirmuar të cilit Izraeli I ka dorëzuar raketa LORA – përmes një marrëveshjeje armësh të firmosur në 2018-tën. Ky shtet është aleat I njohur I Tel Avit, dhe e furnizon vendin hebre me gati 40% të naftës që I nevojitet. Në 2016-tën, presidenti i Azerbajxhanit Ilham Aliyev pat rrëfyer se vendi I tij kishte nënshkruar kontrata afatgjata në vlerë prej 5 miliard dollarësh për të blerë armë dhe pajisje sigurie nga Izraeli. Konflikt që ka shpërthyer tani me Armeninë po vazhdon përshkallëzimin, dhe vetëm një ditë më parë disa qytetë të rëndësishme azere u goditën më raketa nga pala tjetër.