Komisioneri europian I Zgjerimit Olivér Várhelyi, foli me tone optimiste për Shqipërinë teksa paraqiti Paketën e Zgjerimit 2020 dhe Planin Ekonomik dhe të Investimeve për Ballkanin Perëndimor, duke thënë se vendi ynë ka përparuar në objektivat për hapjen e bisedimeve të anëtarësimit me Bashkimin Europian dhe është bërë gati për konferencën e parë ndërqeveritare. Sipas raportit, Shqipëria ka vazhduar ta rendisë legjislacionin e saj me kërkesat e BE-së në një numër sektorësh duke e përforcuar aftësinë e saj për të marrë përsipër detyrimet anëtarësimit. Vendi, theksohet aty është mesatarisht i përgatitur në shumë fusha, si kontrolli financiar, arsimimi, kultura dhe statistikat, ose ka një shkallë të përgatitjes në fushën e prokurimit publik, politikave sociale dhe punësimit dhe rrjeteve trans-europiane. Por situata politike nw vend konsiderohet e tensionuar. Varhelyi u shpreh se Brukseli po e ndjek me vëmendje cështjen e reformës zgjedhore, e cila nuk duhet të kthehet sipas tij në një problem për ta vecuar Tiranën nga Shkupi për konferencën e parë të negocjatave.