Llava vazhdon të rrjedhë nga një carje e re në vullkanin Cumbre Vieja në Las Palmas duke shkatërruar gjithcka që i del përpara. Re hiri ngrihen për mbi tre mijë metra ndërsa retë e pluhurit i janë drejtuar edhe aeroportit duke bërë që ai të mbyllet për një javë. I shtyrë nga moti i keq, hiri vazhdon të shkaktojë probleme për bizneset lokale dhe turizmin. Shumë kompani ajrore kanë anuluar fluturimet drejt ishullit spanjoll. Operatori turistik TUI njoftoi se nuk do të rinisë udhëtimet në ishull deri më 16 dhjetor. Zyrtarët thonë se shpërthimi që nisi më 19 shtator mund të zgjasë deri në tre muaj dhe kjo do të rezultojë në një telash të madh për ekonominë e brishtë të ishullit. Sipas ekspertëve, një total prej 44 tërmetesh janë raportuar në një periudhë 24 orëshe mes të enjtes dhe të premtes. Deri më tani, mbi 340 hektarë toka bujqësore janë shkatërruar nga shkëmbinjtë e shkrirë. Për më tepër, rrjedha e llavës që takohet me ujin e detit ndez një reaksion kimik duke krijuar një smog të dendur gazrash toksike.